Компромис со загадувачите нема, доколку и најновото мерење на онашто излегува од оџакот на кочанската фабрика Пепјер Мил е над дозволените вредности ќе биде затворена, порача директорката на државниот инспекторат за животна средина, Ана Петревска. На 30 декември е закажано мерењето, во присуство на инспектор, а граѓаните да не стравуваат дека резултатите ќе бидат спорни, бидејќи и претходните две мерања, на која и таа присуствувала резултатите покажале дека оваа фабрика загадува над дозволените вредности.
Додека не се постави филтерот на фабриката, инспекторите ќе доаѓаат и ненајавено и ќе вршат вонредни мерења со акредиторана лабароторија, која ја ангажира државниот инспекторат. За разлика од претходните денови, кога граѓаните споделуваат фотографии од црн чад и магла, денеска од фабричкиот оџак, излегуваше бел чад, за што Петревска вели дека компанијата работи на пелети и метан. Кочанскиот градоначалник, Николчо Илијев вели дека решавањето на проблемот со загадување од оваа фабрика и врвен приоритет за жителите на Кочани, а на терен како општина прават и мерења и на загадувањето од другите помали загадувачи со Б интегрирани дозволи, под надлежност на општината.
Инспекторите и покрај тоа што се во мал број се на терен, мапирани се сите загадувачи во Скопје и во градовите низ земјава. Се прават и координарни акции со општинските инспектори, а за поголема ефикаснос на терен Петревска најави и нова електронска алатка, на месенџер граѓаните ќе ги пријавуваат загадувањата, по што инспекторите веднаш ќе излезат.
Викторија Јованова