Премиерот на македонската влада, Зоран Заев, во вечерашната Топ Тема во интервјуто со главниот уредник на Телма, Атанас Кировски, изјави дека и тој како сите македонски граѓани ја чувствува горчината по ветото од Бугарија за почетокот на преговорите со Европската Унија.
“Видоа и граѓаните дека има работи за кои не само што не се преговара, туку и не се разговара и се надевам дека нашите пријатели од Бугарија, владата, претседателот, па дури и опозицијата, треба да знаат дека правото на самоидентитет, на определба, на свој мајчин јазик е наше сопствено, универзално право, загарантирано со меѓународни договори, со универзални човекови права“ – изјави Заев.
Тој потенцираше дека Европа во своите фундаментални вредноси е пример за многу убави работи а една од нив е дека ги развива сите европски идентитети а нашата земја е Европа во мало, со сите различни етнички групи и религиозни заедници и очекуваме ЕУ да ги почитува нашиот идентитет и јазик.
Според Заев, друг пат освен полноправно членство во ЕУ за македонските граѓани нема и тој ги чувствува горчините кои ги чувствуваат сите граѓани.
“Дури и за Танго треба двајца” – изјави Заев за разочараноста од бугарското вето.
Според него , иако тој ја смета Бугарија за пријателска земја , ветото секако не може да се смета за пријателски чин.