Тутунарите од карбинските села под Плачковица утринава протестираа пред откупниот пункт, барајќи подобра цена за жолтото злато. Сметаат дека годинава маката ќе им биде бадијала, со воведувањето и на четвртата класа при ценење на тутунот.
Најголемиот тутунопроисводител во карбинскиот регион вели дека неговото шест члено семејство егзистира само од производство на тутун, откупот го чекаат цела година за да можат да преживеат.
Заменик министерот за земјоделство, при последната посета на штипскиот регион призна дека катастрофално почна сезоната на откуп на тутн, пред два дена пак ресорниот министер имаше и средба со тутунарите и откупувачите, од денеска и официјални сите откупни пунктови се отвараат, а како ќе се одвива откупот и дали ќе интервенира државата, ќе се знае наредниот период.
Викторија Јованова
