Ковид 19 зеде уште една жртва од лекарската фела. На 50-годишна возраст почина д-р Владимир Евтимовски, радиолог во Клиничката болница во Тетово. Тој за кратко време ја изгубил битката со болеста. Симптомите ги почувствувал во понеделникот, а позитивен тест добил следниот ден. Состојбата нагло му се влошила по што бил хоспитализиран на Инфективната клиника во Скопје, а денес починал. Имал неколку хронични заболувања, срцева слабост, ХОБС и обезитет.
Доктор Евтимоски речиси 20 години бил дел од јавното здравство. Колегите за него имаат само пофални зборови. Бил одличен лекар, одговорен и совесен. Добар и друштвен колега. Сопруг и татко на две деца.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.