Дојранските издавачи на апартмани ќе се едуцираат како да водат безбеден туризам во услови на пандемија. Денеска почнаа обуките на сопствениците на локалните туристички капацитети, коишто ги одржуваат лекари членови на комисијата за заразни болести со цел да се спречи ширење на вирусот во туристичките капацитети. Градоначалникот Ангов вели дека сезоната е веќе почната, а градот е полн со гости.
Локалното население вели дека сите полека се прилагодуваат на новите услови за туризам, иако има доста непочитување на мерките. Најмногу гости очекуваат околу Илинден, кога сезоната е во полн ек.
Дојранската локална власт ангажира и редари кои ги потсетуваат посетителите да не се групираат. Во моментов ова туристичко место има десетина активни случаи на корона – вирус.
Сузана Мицева
