Трите синдикати и кабинетот на в.д. директорот Александар Стојковски информираа дека е постигнат договор за зголемување на платите за 2.800 денари од јунската плата која се исплаќа во јули.
„Од наредната плата секој вработен во претпријатието независно на работната позиција и статус на вработување ќе добие покачување за 2.800 денари. Со оваа одлука нема да бидат опфатени вработените кои добија покачување со Законот за минамална плата“, пишува во известувањето од директорот Стојковски.
Стојковски вели дека и покрај тешката состојба во која се наоѓа претпријатието, заедно со Град Скопје работат на подобрување на условите за сите вработени.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.