Единаесет члениот борд на Твитер денеска ја прифати понудата на Илон Маск, откако во текот на викендот одржале средба со најбогатиот човек на планетата на која тој им го претставил финансискиот план зад неговата понуда.
44 милијарди долари вредната понуда за Твитер од сопственикот на Тесла, ќе биде финансирана од сопствени средства на Маск и подршка од банкарскиот гигант на Волс Стрит Морган Стенли, како и неколку други компании.
Минатата недела Маск финансискиот план за преземање на Твитер го претстави и пред американските регулатори, што според Ројтерс и Њујорк Тајмс сериозно го омекнало отпорот на бордот кој претходно презеде чекори за спречување на преземањето.
Продажбата на Твитер се очекува да биде финализирана до крајот на годината а во соопштение Маск порача дека социјалната мрежа има огромен потенцијал кој тој планира да го оствари.
