Високите сметки за струја им ги истенчија буџетите на општините, комуналните претпријатие и на одредени државни институции. Решенијата ги гледаат во промена на уличното осветлување со штедливи светилки, но и во поставување на фотовалтаици. Пробиштип веќе почна постапка за уличното осветлување и до јуни ќе се постават светилките и колектори. Сметаат дека на овој начин ќе заштедат без да прават рестиркции на услугите кон граѓаните.
Поедноставување на постапките за соларните централи браат и од Здружението на комунални претпријатија АДКОМ. Бараат поволни кредити, а на кои гарант би била државата, бидејќи нивните основачи општините се ограничени. Меѓу барањата за справување со енергетската криза е и комуалните претпријатија да се во повластена тарифа. Штипски Исар само за три месеца набилда долг од над половина милион евра
Се уште нема анализа колкави се долговите на општините, јавните претпријатија и на институциите во источниот регион. Но се проценува дека за три месеца е околу два милиони евра за потрошена струја. Во моментов секоја општина сама се справува со кризата и бара решенија.
Викторија Јованова
