И покрај катастрофалната финансиска ситуација, Барселона го објави планот за реконструкција и модернизација на стадионот Камп Нои кој во иднина ќе го носи името Еспаи Барселона, но дефинитивната одлука за овој зафат ќе биде донесена по референдумот на кој право на глас имаат членовите на клубот.
Целиот проект треба да чини 1,5 милијарди евра, а во клубот веруваат дека реконструкцијата ќе биде финансирана со кредити и сметаат дека ова е долгорочна инвестиција која во иднина треба да носи профит и да има значајно влијание во финансиската стабилност.
Според планот капацитетот на стадионот ќе биде 105.000 места, а се предвидува и спортска сала со 12.000 седишта. Во целиот комплекс ќе бидат изградени клупските простории, хотели и е предвидено сместување за членовите на младинската академија.