Американскиот Сенат контролиран од републиканците, усвои резолуција со која се бара претседателот Доналд Трамп да ја запре воената операција против Иран или да побара одобрение од Конгресот за продолжување на воените активности.
Но, резолуцијата е во голема мера симболична бидејќи, дури и по усвојувањето во двата дома на Конгресот, таа нема да биде испратена до Трамп на негово разгледување и нема сила на закон.
Група републиканци им се придружија на демократите во вторникот на гласањето со 50-48. Истата мерка беше усвоена од Претставничкиот дом на САД претходно овој месец.
Ова дојде откако републиканците во Конгресот изразија скептицизам во врска со мировниот план што Трамп го договори со Иран, а воениот конфликт влезе во петтиот месец.
Трамп ја оцени одлуката како „безначајна“ и „лошо темпирана“.
„Иран е подготвен да падне на есен, а американскиот Сенат одлучува да има лошо темпирано и бесмислено гласање за Законот за воени овластувања“, напиша Трамп на својата платформа Truth Social.
„Овие сенатори само ми ја отежнаа работата, но ќе ја завршам, на еден или друг начин, бидејќи секогаш ја завршувам!“- напиша тој.