Израелскиот премиер Бенјамин Нетанјаху изјави дека израелските сили ќе останат во јужен Либан „колку што е потребно“, а во исто време рече дека нема да му дозволи на Иран да развие нуклеарно оружје.
„Ќе останеме во безбедносната зона во јужен Либан онолку долго колку што е потребно за да ги заштитиме нашите драги жители на северот и сите граѓани на Израел… Ништо нема да ја промени таа обврска“, рече Нетанјаху.
„А што се однесува до Иран, какви и да се политичките случувања, нема да дозволам Иран да се здобие со нуклеарно оружје. Додека сум премиер на Израел, тоа нема да се случи“, рече тој.
Зборувајќи во Ерусалим на Меѓународен политички самит Нетанјаху рече дека Израел убил 20 од врвните нуклеарни научници на Иран.
„Кумулативната штета што ја предизвикавме на економијата на Револуционерната гарда се мери во стотици и стотици милијарди долари и ќе им треба долго време да се опорават“, рече Нетанјаху