Неколку лица се повредени во тешка сообраќајна несреќа што се случила доцна синоќа на магистралниот пат Свети Николе – Куманово.
Според информациите од Територијалната противпожарна единица од Свети Николе, во незгодата учествувале комбе и камион.
Пожарникарите интервенирале во 21:02 часот со едно противпожарно возило.
При интервенцијата било извршено извлекување на повредените лица од возилата, по што тие биле предадени на екипите на Итната медицинска помош.
– Нa 19.06.2026 околу 20:55 часот во ОВР Свети Николе е пријавено дека на регионалниот пат Куманово-Свети Николе, Овче Поле е случена сообраќајна несреќа помеѓу патничко комбе „фолксваген“ со кумановски регистарски ознаки, управувано од М.Т.(55) од Свети Николе и паркирано товарно возило „Mан“ со светиниколски регистарски ознаки. Во несреќата со тешки телесни повреди се здобиле сопатничките од патничкото комбе Л.П.(53) и М.М.(33) двете од Свети Николе, додека со телесни повреди останатите осум патници, констатирани во Клиничка болница Штип. Извршен е увид од увидна екипа на ОВР Кочани, информираат од МВР.