Собраниската Комисија за прашања на изборите и именувањата денеска треба да го соопшти предлогот за нови членови на Државната комисија за спречување на корупцијата и на Државниот совет за превенција на детско престапништво и правда за деца, а на дневен ред на седницата се повеќе други точки.
Телма веќе информираше дека прворангирана на листата за нов член на ДКСК со најмногу бодови, е Катерина Зајковска со 90, 67 бодови, а Комисијата за селекција оценила дека врз основа на дадените одговори кандидатката има големо искуство во борбата за спречување на корупцијата и судирот на интереси и има јасна визија за работата на ДКСК и план за нејзината работа. Дала одлични одговори за поставените општи и посебни прашања.
Инаку Зајковска доаѓа како вработена во антикорупциската комисија на позиција раководител на секторот за следење на финансирањето на политичките партии и кампањи. Таа треба да ја наследи Цвета Ристовска која си даде оставка.
Зад Катерина Зајкова се Милка Муратовска, Тања Левајковиќ и Владимир Клековски.
Зајковска можна наследничка на Ристовска, ДКСК демантира дека била нејзин извршител