Планираните повисоки царини на американскиот претседател Доналд Трамп за увоз на автомобили од ЕУ се насочени кон Европската Унија како целина, а не конкретно кон Германија, ова го изјави германскиот канцелер Фридрих Мерц, откако Трамп во петокот најави дека планира да ги зголеми царините за автомобили и камиони увезени од ЕУ на 25 посто неделава.
–Тој сака да биде насочен кон цела Европа“, изјави Мерц за германскиот радиодифузер АРД вчера, додавајќи дека Трамп е „во право што е донекаде разочаран“ што не е склучен договор за царини од август 2025 година меѓу САД и ЕУ. Отпорот кон договорот остана во Европскиот парламент, рече тој.
Мерц рече дека Трамп станува нетрпелив бидејќи од европска страна продолжуваат да се поставуваат нови услови.
–Американците се подготвени, а Европејците не се, рече тој, додавајќи: „Затоа се надевам дека можеме да постигнеме договор што е можно побрзо“.
Во август 2025 година, Трамп и претседателката на Европската комисија, Урсула фон дер Лајен, се согласија за рамка со која царините се ограничуваат на 15 проценти за повеќето стоки од ЕУ увезени во САД, вклучувајќи автомобили и автоделови.