Министерство за внатрешни работи соопшти дека во координирана полициска акција се лишени од слобода седум лица осомничени за учество во организирана криминална група поврзана со недозволена трговија со дрога.
Акцијата била спроведена на повеќе локации низ државата, во соработка со надлежното обвинителство.
Уапсените се од Струмица, Скопје и Штип, а извршени се претреси на вкупно 15 локации. Во операцијата учествувале и специјални полициски единици, при што биле пронајдени и одземени дрога, оружје, возила, мобилни телефони и поголема сума пари… Надлежните информираат дека истрагата продолжува.
Осомничените ќе бидат изведени пред судија на претходна постапка, а против нив ќе биде поднесена кривична пријава за неовластено производство и трговија со наркотични дроги.
