Државниот универзитет во Тетово (ДУТ) беше домаќин на шестата јавна расправа за измените на Законот за високо образование и Законот за квалитет во образoванието. Тамошните професори за три области доставиле забелешки, со цел да се изготви конечната верзија на законот.
„Наставниот кадар мисли дека се загрозува автономијата на универзитетот со самиот факт дека покрај Сенатот се мисли да постои и универзитетскиот Совет. Второ, имам голем број на забелешки во насока на акредитација на докторските студии, бидеќи, на пример, ние како универзитет ги исполнуваме сите услови, меѓутоа мислиме дека условите, критериумите да бидат во ниво на реалната состојба. И трето, многу важно, значи и критериумите за избор во наставно-научно звање“, изјави Јусуф Зејнели, ректор на ДУТ.
„Законот нуди неколку важни елементи кои овозможуваат подобрување на квалитетот на образованието. Што значи спремни со знаење, компетенција и вештини, студенти кои ќе влезат како во академската заедница, така и на пазарот на трудот и во бизнис заедницата за да можат да ја подобрат економијата на оваа земја, а со тоа да го направат подобар животот на сите грагани во оваа земја“, рече министерката за образование, Весна Јаневска.
А.С.
