Mарк Cукенберг и адвокатите на спротивната страна со искази во судницата во Лос Анџелес каде што извршниот директор на „Мета“ одговараше на прашања за користењето на инстаграм од страна на младите луѓе, неговото сведочење пред конгресот и внатрешните совети што ги добил за тоа да биде „автентичен“, а не „роботски“.
Сведоштвото на Цукенберг е дел од судење за социјалните медиуми, односно дали платформите на „Мета“ намерно создаваат зависност и им штетат на децата.
За време на испрашувањето од страна на адвокатот на тужителот, Цукенберг изјавил дека сè уште се согласува со претходната изјава што ја даде дека постојниот збир на научни трудови не докажал дека социјалните медиуми предизвикуваат штети врз менталното здравје.
Адвокатот на тужителот, Марк Ланиер, го прашал Цукенберг дали луѓето имаат тенденција да користат нешто повеќе ако тоа предизвикува зависност?
Цукенберг изјавил дека не е сигурен што да одговори на тоа, но мисли дека тоа не важи за овој случај.