Шпанскиот премиер Педро Санчез изјави дека технолошките компании нема да ја поколебаат волјата на владата да забрани користење на социјалните мрежи за младите. Тој ги обвини „технолошките олигарси“ дека шират лаги за Шпанија и порача дека демократијата нема да биде поколебата од „алгоритамските гиганти“, пренесува „Ројтерс“.
Таквите планови на владата во Мадрид за забраната на социјалните мрежи за помлади од 16 години наидоа на критики од основачот на Телеграм, Павел Дуров и извршниот директор на Икс, Илон Маск. Дуров предупреди дека предложениот закон ја принудил платформата да собира податоци за сите корисници и ѝ овозможува владата да има контрола врз содржината.
И владата на Словенија на седница усвои насоки за измана на законот со кој би се ограничило користење на социјалните мрежи за помлади од 15 години, објави агенцијата СТА. Иницијативата, според потпретседателот на владата Матеј Арчон, ја подготвило министерството за образование, а пред усвојување на законот ќе се чека мислење и од министерството за дигитална трансформација.
Франција, Данска и Грција веќе преземаат конкретни мерки, а возрасни ограничувања најави и Португалија. Слични иницијативи за строга контрола и рестрикции се појавуваат и на ниво на Европската Унија (ЕУ). Претседателката на Европската комисија, Урсула фон дер Лајен уште во септември рече дека ЕУ треба да разгледа возрасно ограничување за пристап до социјалните мрежи.
С.Д.