Барокните згради на општествениот кампус на УКИМ кои над една деценија стојат недовршени, конечно, ќе почнат да се доградуваат. Од Министерството за образование и наука (МОН) соопштија дека завршил рокот за аплицирање на тендерот за нови проекти за градба, кој беше објавен минатата година врз основа на стручната анализа за состојбата во која се сега недоградените објекти.
Некои од потребите, како и стандардите за градење, од 2013 година кога почнала изградбата, сега се сменети, па оттука е донесена одлука ѝ наведено е во тендерот двата објекта да бидат наменети само за Факултетот за информатички технологии и компјутерско инженерство (ФИНКИ), бидејќи една зграда не ги задоволува потребите, ниту на овој, ниту на Факултетот за физичко образование, спорт и здравје, за кој беше наменет другиот објект.
За факултетот за физичко образование, според министерството за образование, се планира реновирање на веќе постоечката зграда.