Со вкрстено испитување на сведок предложен од обвинителството, во Основниот кривичен суд – Скопје, денеска, продолжува судењето за случајот „Онкологија 2“. Случај кој се води за незаконско набавување лекови, прикривање преку фиктивни тендери и присвојување на дел од терапијата. Обвинети се поранешниот медицински директор на Клиниката за радиотерапија и онкологија, Нино Васев и економскиот директор на Клиниката, Нехад Нухи.
Сведокот кој денска треба да се појави на судењето е поранешен финансиски раководител во Фондот за здравствено осигурување , откако на претходното рочиште расправата беше прекината поради приватни обврски на еден од членовите на Судечкиот совет.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.