90 отсто од општините во Македонија ангажираат надворешни адвокати за застапување пред суд и правни совети, иако барем поголемите општини имаат правна служба, објавува КОД. За таа намена трошат по неколку илјади евра годишно.
Градоначалникот на Кичево, Фатмир Дехари, доби кривична пријава за трошење пари за адвокати, но речиси сите го прават истото. Градоначалниците најчесто велат дека општинските правни служби немаат доволно капацитет за сложени случаи.
Во КОД ќе гледате и кои политички познати адвокати ги ангажирале општините и за колкави суми. Ќе дознаете и како дојде до тоа адвокатските услуги да не мора да се набавуваат преку тендер. Ќе го гледате и вториот дел од репортажата на КОД од Израел. КОД е вечерва од 19:15 часот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.