Оклахома го освои Денвер за да израмни на 2-2 во полуфиналниот плеј-оф во НБА-лигата, додека најдобриот тим од регуларниот дел од сезоната, Кливленд е на само еден пораз од елиминација.
Оклахома славеше победа од 87-92 на гостувањето во Денвер за израмнување на серијата на 2-2. Шеи Гилџеус-Александер имаше 25 поени за Тандер, а најефикасен кај Нагетс очекувано беше Никола Јокиќ со 27 поени и 13 скока. Следниот натпревар е за три дена во Оклахома.
Индијана го прегази Кливленд со 129-109 за водство од 3-1 во полуфиналната серија на Истокот. Пејсерс го решија победникот уште пред крајот на првото полувреме кога дојдоа до неверојатно водство од 44 поени, а на големата пауза беше 80-39. Паскал Сијакам со 21 поен и Мајлс Тарнер и Оби Топин со по 20 беа најдобри во редовите на домашните, а кај најдобриот тим по регуларниот дел од сезоната најмногу се истакна Дариус Гарланд со 21 поен. Следниот натпревар се игра во Кливленд.
