Во паузата меѓу двете полувремиња од хуманитарниот натпревар меѓу Вардар и Црвена Звезда, легендите на двата клуба ги поздравија присутните на трибините на арената Тодор Проески.
Со овации беа поздравени легендите кои во минатото го носеле “црвено-црниот” дрес. Легендите беа предводени од Кочо Димитровски, а на теренот се појавија Стојмир Урошевиќ, Вујадин Станојковиќ, Ванчо Балевски, Ѓоре Јовановски, Бобан Бабунски, Зоран Бошковски, Никола Аврамовски, Сашо Тодоровски како и Илија Најдоски.
Специјално за овој натпревар од Белград допатуваа познати имиња кои биле дел од Црвена Звезда на чело со македонските репрезентативци Бошко Ѓуровски, Драги Канатларовски и Горан Попов како и Владимир Петровиќ, Здравко Боровница и уште многу познати имиња.
ФОТО: Игор Паневски
