Манчестер јунајтед и Спортинг ги договорија условите за тренерот Рубен Аморим. Португалскиот стратег ќе седне на клупата на „Олд Трафорд“, а тимот од Лисабон ќе инкасира 10 милиони евра обештетување и плус 1 милион за неговиот стручен штаб.
Аморим сепак ќе почека на деби во Манчестер, бидејќи двата клуба се договорија тој да остане на клупата на Спортинг за следните три натпревари. Па се очекува 39-годишниот тренер да почне со работа во Јунајтед за време на интернационалната пауза, а дебито да го има против Ипсвич на 24.ноември. Неговиот договор ќе биде до јуни 2027 година.
За потсетување, челниците на премиерлигашот го отпуштија Ерик тен Хаг во понеделникот, па клупската легенда Руд ван Нистерлуј во преводеше тимот синоќа во победата од 5-2 против Лестер сити во Лига купот. Холанѓанецот се очекува да го води Јунајтед до доаѓањето на Аморим, а потоа ќе си замине од клубот.