По синоќашната блескава партија во победата на Динамо Загреб од 2-0 на гостувањето кај Салцбург, македонскиот интернационалец Стефан Ристовски се најде во тимот на колото во Лигата на шампиони.
Ристовски синоќа запиша две асистенции за головите на Сандро Куленовиќ во 49-тата минута и Бруно Петковиќ во 84-тата минута. Заслужено најпрво беше прогласен за играч на натпреварот против Салцбург, а денеска дојде и ново признание. Поранешниот капитен на македонската фудбалска репрезентација се најде во идеалниот состав на 3.коло од Лигата на шампиони заедно со плејада други фудбалски ѕвезди, како Винисиус Жуниор, Рафиња, Тијани Рејндерс, Николо Барела и други.
That front line 🔥
Introducing your Team of the Week! 👇@cryptocom | #UCLTOTW pic.twitter.com/jytyXjvrq1
— UEFA Champions League (@ChampionsLeague) October 24, 2024
Десниот бек синоќа ја носеше и капитенската лента на Динамо откако од игра излезе уште еден поранешен македонски репрезентативец Аријан Адеми.