Еурофарм Пелистер ќе има нов тренер во продолжението од сезоната, бидејќи актуелниот предводник Бранислав Ангеловски вечерва си поднел оставка и тоа веднаш по поразот од Алкалоид во домашното првенство.
Битолчани вечерва во „Автокоманда“ загубија од Алкалоид со 32-25 и го запишаа вториот сезонски пораз во Суперлигата по осум одиграни кола, бидејќи претходно загубија и од вечниот ривал Вардар (27-24).
Сезонава Еурофарм Пелистер освои само еден бод во Лигата на шампиони од пет натпревари, па веќе во четврток против Веспрем тимот ќе биде предводен од нов тренер.
Ангеловски седна на клупата во Битола во текот на минатата сезона на местото на Александар Јовиќ и го одведе тимот до шампионската титула, но ги загуби трофеите во Купот и Суперкупот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.