Сметките на потрошувачите на електрична енергија на регулираниот пазар, односно на домаќинствата и на малите потрошувачи, од денеска до крајот на годинава, за најголем дел од потрошувачите, ќе бидат повисоки за 0,4 отсто.
Одлуката за минималното зголемување на цената во четвртокот ја донесе Регулаторната комисија за енергетика.
Причина за поскапувањето е понудата на ЕСМ со повисока цена на својата електрична енергија на ЕВН Хоум на тендерот која сега изнесува 60 евра за мегават час и за покривање на 85 проценти од потребите на регулираниот пазар, додека за останатите 15 проценти беа пристигнати три понуди, но ниту една не беше прифатена поради тоа што понудите биле повисоки од моменталните пазарни цени.
Дополнувањата на Законот за енергетика, пак, беа донесени во понеделникот на пленарна седница.
Со ова законско решение, според предлагачите, се обезбедува сигурно, безбедно и континуирано снабдување со електрична енергија на домаќинствата и малите потрошувачи.
Новата цена на струјата треба да важи до крајот на годинава, а за наредниот регулациски период по 1 јануари 2025 година властите најавуваат нејзино намалување доклку се е вообичаено и нема некои изненадувања