Со натпреварите од третото коло се заокружи првата фаза од Светското јуниорско првенство во ракомет во женска конкуренција.
Шеснаесет репрезентации меѓу кои и Македонија се дел од Главната рунда по која најдобрите два национални тима од секоја група обезбедуваат пласман во четвртфиналето.
Македонија е дел од групата во која се уште селекциите на Португалија и Црна Гора со кои се среќаваме в понеделник и вторник.
Како и во првиот дел Македонија натпреварите ги игра во арената Борис Трајковски.
ФОТО: Игор Паневски