Алекс де Минор го одбрани трофејот на тенискиот турнир во Акапулко откако го победи Каспер Руд во големото финале и тоа во два сета.
Тенисерот од Австралија ја продолжи својата одлична форма во 2024 година и стигна до својот прв трофеј со триумфот од 6-4 и 6-4 против Норвежанецот. За Де Минор ова е вкупно осма АТП-титула во кариерата и втора во Акапулко. Ја оствари првата победа против Руд уште од 2019 година.
Со оваа титула, Де Минор на најновата АТП ранг-листа што ќе излезе утре ќе остане меѓу најдобрите 10 светски тенисери, но ќе падне една позиција на десеттата, а деветти ќе биде тенисерот што го совлада во Акапулко, Каспер Руд.
Од утре почнува мастерст тенискиот турнир Индијан Велс во машка и женска конкуренција.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.