Бразилската фудбалска асоцијација испрати до ФИФА писмо со намери за евентуална организација на Светскиот куп во женска конкуренција што ќе се одржи во 2027 година.
Министерот за спорт Андре Фуфука го искористи присуството на првиот човек на светскиот фудбал, Џани Инфантино на финалето од Копа Либертадорес што вчера се одржа во Рио де Жанеиро и ја најави можната кандидатура за домаќин на претстојниот Мундијал.
Ова е трета кандидатура за организација на шампионатот откако Германија, Белгија и Холандија покажаа интерес да бидат организатори на турнирот, а претходно писмо со намери испратија националните асоцијации на САД и Мексико.
Наскоро се очекува во трката и официјално да се вклучи Јужна Африка што значи дека конкуренцијата ќе биде жестока, а конечната одлука ќе биде донесена на конгресот на ФИФА што ќе се одржи на 17 мај следната година.
ФОТО: Игор Паневски