Според пишувањето на весникот Марка, мадридски Реал побарал нов кредит за да може да ја затвори комплетната реконструкција на стадионот Сантијаго Бернабеу.
Ова ќе биде вкупно трета позајмица во изминативе неколку години откако претходно зема кредит во висина од 575 милиони евра, а подоцна се задолжи за дополнителни 225 милиони.
Со последниот кредит од 325 милиони евра вкупната сума која ќе се инвестира во реконструкцијата на стадионот достигна сума од преку 1,1 милијарда евра.
Со реконструкцијата на стадионот Кралскиот клуб веќе има обезбедено приходи од 360 милиони со оглед на фактот дека има потпишано договори за соработка со компаниите Sixth Street и Legends.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.