Со првите поладни есенски денови во Тетово започна да расте и загаденоста на воздухот со штетните ПМ 10 честички. Градот неколку години е помеѓу првите на листата кои имаат високо ниво на аерозагадување.
Дополнително во време на пандемија, која има и голем број на заразени со ковид 19, се доведува во прашање здравјето на граѓаните.
Научните студии потвдруваат дека поголемо загадување на воздухот значи многу полоши последици од зараза со коронавирусот.
Граѓаните на Тетово велат дека загадувањето најмногу го чувствуваат во ноќните и раните утрински часови.
Од општина Тетово очекуваат дека мерката за доделување инвертер клими на граѓаните ќе придонесе за наламување на аерозагадување.
Засега казни за загадувачи нема, бидејќи се проверуваат налозите по извршените 70 вондредни и 40 редовни надзори врз погони и претрпијатија.
Иако рестриктивните мерки на светско ново го намалија загадувањето на воздухот, сепак во Тетово во ноември речиси секојдневно имало надминување на дозволените концентрации на ПМ 10 честичките.
Данијела Билбилоска