Германија за прв пат во својата историја дојде до златниот медал Светското првенство во кошарка, што изминатите недели се одржуваше во Јапонија, Индонезија и Филипини. Во големото финале одиграно денеска во Манила, Германците ја совладаа Србија со 83-77 и останаа со перфектен ефект цел турнир.
По изедначеното прво полувреме во кое двете репрезентации се менуваа во водството, одлучувачка беше третата четвртина. Германците имаа серија од 9-0 за да дојдат до предност од +11. Србија одговори во последната четвртина и намали на само два поени разлика, но не погоди кога најмногу требаше. Имаше и неколку грешки во нападот, па Германија издржа до победа од 83-77 за најголем успех во историјата.
Денис Шредер беше нерешлива енигма за Србите, бидејќи постигна 28 поени, а беше на висина на задачата во клучните моменти од натпреварот. Имаше голема помош и од Франц Фагнер со 19 поени. Кај Србија, Алекса Аврамовиќ постигна 21 поен.
Бронзниот медал на Мундобаскетот го освои Канада, која во малото финале ги совлада САД со 127-118 по едно продолжение.
