Македонската фудбалска репрезентација ги почна подготовките за претстојните квалификациски дуели за пласман на Европското првенство. Прв противник ни е репрезентацијата на Италија која пред повеќе од една година успеавме да ја совладаме во Палермо и да ја елиминираме од баражот за настап на Светскиот куп.
“Играме против селекцијата на Италија на која никој не може да и се заканува. Фудбалски е да се надеваме на позитивен резултат и сигурен сум дека секој од соиграчите ќе го даде максимумот за да постигнеме позитивен резултат. Целосно сме фокусирани на натпреварот против Италија, веруваме дека можеме да направиме изненадување бидејќи во спротивно нема што да бараме. Одиме натпревар по натпревар и секој нов настап е и нов предизвик за сите во националниот тим”, изјави Јован Манев.
Дуелот против Италија се игра в сабота на арената Тодор Проески и почнува во 20 часот и 45 минути.
ФОТО: Игор Паневски
