Ал Ахли од Саудиска Арабија летово направи неколку големи трансфери и во своите редови ги доведе Роберто Фирмино, Ријад Марез, Едуард Менди и Алан сен Максиман, но нема да застане тука.
Тимот за кој игра и македонскиот репрезентативец Езгјан Алиоски е на чекор да го ангажира и Роџер Ибањез од Рома, кој веќе ги договори личните услови, а следна трансфер-цел е Пјотр Зјелински.
Ал Ахли веќе испратил понуда до Наполи за Полјакот, кој има уште една година од договорот. Зјелински сериозно ја разгледува понудата од Саудиска Арабија, бидејќи и натаму не може да се договори за продолжување на соработката со италијанскиот шампион.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.