Министерот за финансии Фатмир Бесими во вечерашната Топ Тема на Телма рече дека 60 милиони евра, предвидени за изградбата на коридорите 8 и 10, остануваат на располагање до крајот на годината.
Таму има постапка што ја води ЈП Државни патишта и очекуваме согласно динамиката на реализација, и до крајот на годината има уште два месеци, тие средства да се дадат за тоа. Ние до крајот на годината можеме да ги префрлиме на ЈП и тоа така може да се реализира. Ако се гледа дека има можност за реализација ние сме заинтересирани проектите да се реализираат. Тие доцнат со реализацијата. Доколку има индикации дека може да се реализира, тоа е проект што ќе влече економски раст, ќе има поголем ангажман и на домашни компании, а што побрзо се реализира ќе се зголеми трговијата, туризмот итн, смета министерот Бесими.