Здружението на граѓани 16 март по завршните зборови во судскиот процес против тројцата полицајци во врска со контролите на кочанската дискотека „Пулс“ порачаа дека за некого тоа е само уште еден предмет, но за нив е првата разврска во борбата за правда за нивните најмили.
Тие изразуваат надеж дека судот ги видел сите пропусти, грешки, моменти каде системот потфрлил и дека ништо нема да остане занемарено.
Тројцата полицајци Кире Богатинов, Горан Лазаров, Александар Темелков се гонат за злоупотреба на службената положба и овластување, бидејќи при контролите на „Пулс“ не постапиле во согласност со пропишаните правила и во записниците навеле неактивно правно и одговорно лице.
Пресудата ќе биде изречена на 5 мај.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.