Само што почна да забавува, инфлацијата повторно вивна. Статистика измери скок нa речиси 5 отсто во март годинава, во однос на истиот месец лани. Кај цените на мало пак има зголемување од 3, 4 отсто. За евентуални мерки против скапотијата, владата ќе чека да помине Велигден.
Од извештајот на статистичарите може да се види дека за една година храната и пијалаците поскапеле за 7, 5 отсто.
Од храната најмногу на удар е овошјето. Цените тука се зголемиле за 12, 7 отсто, кај млекото и јајцата за над 8 проценти. Поскапување од 7 отсто се забележува и кај маслото и мастите и кај житата и житните производи . Во оваа категорија влегува лебот.
Кај кафето пак има поскапување од над 25 отсто, а голем скок на цените е регистриран и кај какаото, чајот и шеќерот, но станува збор за берзански производи. Од ССМ велат дека државата до сега требала да донесе мерки. Бараат тоа да се случи веднаш за да се заштитат потрошувачите.
Но, нивниот стандард не значи само ограничување на цените на маржите преку намалување на акцизите и на ДДВ то, нивниот животен стандард значи и зголемување на нивните плати за да ја вратат куповната моќ, изјави претседателот на ССМ, Слободан Трендафилов
Премиерот Мицкоски пак најави таргетирани мерки, но по Велигден. На денешната владина седница ќе се разгледувале тековни прашања.
Па, веќе следните мерки би биле повеќе таргетирани, за одредени целни групи на граѓани. За одредени призводи зборувам тука за основните прехранбени производи и тие мерки би биле комбинирани и со намалување на ДДВ но и со ограничување на профитната маржа, соопшти премиерот Христијан Мицкоски
Според, извештајот во речиси сите дејности има поскапување, кај здравствената заштита, кај рекреација, спортот, култура. Поскапени се и рестораните и услугите за сместување. Дел од експертите пак предупредуваат дека воениот конфликт силно ќе урди на инфлацијата. Мицкоски пак викендот прв пат кажа дека пред нас е тешка година.
Ирена Чачкова