Српскиот министер за внатрешни работи и вицепремиер, Ивица Дачиќ (60), се наоѓа на болничко лекување по ненадејното влошување на неговата здравствена состојба.
Според официјалните соопштенија од Клиниката за пулмологија при Клиничкиот центар на Србија, на Дачиќ му е дијагностицирана тешка билатерална пневмонија (двострано воспаление на белите дробови).
Поради сериозноста на состојбата, тој беше итно хоспитализиран вчера (25 февруари) околу 16:30 часот.
Министерот е приклучен на респиратор за да му се помогне на неговиот дишен систем додека терапијата да почне да дејствува.
Лекарите посочија дека следните 72 часа се клучни за неговата стабилизација.
Медиумите пренесуваат дека Дачиќ со години се бори со дијабетес, што дополнително ја комплицира клиничката слика.
Претседателот на Србија, Александар Вучиќ, утрово го посети Дачиќ пред неговото заминување за Казахстан. Во својата објава на социјалните мрежи, Вучиќ сподели умерено оптимистички вести:
„Го посетив Ивица утрово. Лекарите велат дека неговата состојба е малку подобра. Верувам во неговата сила и се надевам на позитивен исход.“
Иако има знаци на благо подобрување, пулмологот д-р Спасоје Попевиќ изјави дека ситуацијата останува „многу тешка“ и дека лекарите продолжуваат со интензивна борба за неговиот живот.
Покрај државниот врв на Србија, поддршка за брзо закрепнување упатија и бројни регионални лидери, вклучувајќи го и претседателот на Република Српска, Милорад Додик. Социјалистичката партија на Србија (СПС) соопшти дека веруваат во силниот дух на нивниот лидер.
Б.С.