КОД: Во истрагата за 5 тона марихуана- откриен еден сомнителен камион

Камион кој од внатрешноста на Македонија наводно носел текстилна стока за домaќинство во држава од Западна Европа се истражува како сомнителен транспорт со кој е можно да се транспортирала марихуаната за Србија, открива КОД во вечерашното издание.

Во Србија при претресите кога беа откриени 5-те тона марихуaна биле најдени и предмети кои укажуваат на македонска конекција.

Во КОД вечерва и интервју со двајца соговорници од Србија кои укажуваат на политичко-картелски врски на претставници на српската власт. Анализа на случај кога иако бил откриен недостаток на марихуана во фабрика во струмичко, обвинението било за многу поблаго дело, а не за организиран криминал.

Во тој случај е осомничен и поранешен пратеник.

КОД е по вечерните вести на Телма.