Најмалку 20 повредени во пожар во индустриска зона во Аргентина

Најмалку 22 луѓе се повредени при експлозија во индустриската зона на аргентинскиот град Езеиза.

Експлозиите и последиците од пожар во неколку објекти се ужасни, изјави градоначалникот на Езеиза, Гастон Гранадос.

Според локалните медиуми, пожарот зафатил најмалку пет објекти.

Индустриската зона во Езеиза е лоцирана во близина на меѓународниот аеродром, каде се сместени различни компании со различни производи. Има голем број производители на гуми, хемиски компании и магацин за „Ајрон Маунтин“ (компанија што архивира документи и податоци), изјави директор на Канцеларијата за цивилна заштита на покраината Буенос Аирес, Фабијан Гарсија.