Израелскиот премиер Бенјамин Нетанјаху вели дека Израел ќе има последен збор околу тоа кои странски воени сили ќе можат да бидат дел од меѓународната мисија во Газа. Според него, ова е дел од напорите за завршување на војната во согласност со планот на американскиот претседател Доналд Трамп. „Ние ја контролираме нашата безбедност и јасно ставивме до знаење дека Израел ќе одреди кои војници се прифатливи за нас,“ рече Нетанјаху на состанок со владата, додавајќи дека ставот на Израел бил прифатлив и за САД. Планот предвидува во Газа да бидат распоредени меѓународни сили, но без американско воено присуство. Според најавите, контингентот би можел да се состои од војници од Египет, Индонезија и земјите од Персискиот Залив.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.