Музејот Лувр во Париз повторно е отворен, посетителите чекаа во долги редици, но галеријата Аполо остана затворена, само три дена по една од најпрофилните кражби во музејот на векот, јави АП.
Крадците излегле од познатиот музеј, бегајќи со осум парчиња од француските кралски скапоцености, удар врз културното наследство што некои службеници ја споредија со палењето на катедралата Нотр Дам во 2019 година.
Грабежот во недела наутро, кој се одвиваше на само 250 метри од Мона Лиза, предизвика потреси на национално ниво и го издигна прашањето за новопредложените безбедносни мерки на музејот на највисоко рамниште.
Портпаролката на француската влада, Мод Брежон, изјави дека службениците се фокусирани на пронаоѓање на пропустите поради кои се случи кражбата.
- „Нулта ризик не постои, сепак, она што се случи не требаше да се случи“, изјави Брежон пред новинарите по состанокот на кабинетот во Елисејската палата. „Истрагите ќе утврдат точно што се случило.“
Брежон додаде дека веќе бил воспоставен безбедносен план, но сега ќе биде повторно оценет.
- „Всушност, постоеше план за безбедност, особено во Музејот Лувр“, рече таа. „Знаеме дека ова распоредување бара време, а штетат се проценува на повеќе од 120 милиони долари.“
Неделната кражба на неколку чекори од Мона Лиза, ги стави под лупа претседателот Емануел Макрон и директорот на Лувр, Лоренс де Кар.
Ова доаѓа само неколку месеци откако штрајкот на вработените предупреди на хроничен недостаток на персонал и недоволно ресурси за заштита, со премалку надзор во премногу соби, што покренува многу прашања за безбедносните пропусти.
Б.С.
Најспектакуларен грабеж во музејот Лувр, откако Мона Лиза исчезна во 1911 година