Нова измама со лажна сообраќајна несреќа. Жртва е 82-годишна жена од Скопје која изгубила 4.000 евра информира СВР Скопје. Според пријавата, на 15 октомври околу 19:10 часот, непознато лице ја контактирало телефонски, претставувајќи се како полициски службеник.
Лицето ѝ соопштило дека нејзината ќерка наводно предизвикала сообраќајна несреќа со смртни последици и побарало пари за да „ѝ се помогне“ да не одговара кривично.
Жената ги оставила парите на договорена локација, но подоцна, кога стапила во контакт со ќерка ѝ, сфатила дека е измамена. Полицијата презема мерки за целосно расчистување на случајот и апелира до граѓаните да бидат особено внимателни и да не наседнуваат на вакви телефонски повици.
Т.Д.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.