Во август годинава државата исплатила 19,5 милиони евра на конзорциумот „Бехтел и Енка“ за изградба на автопатските делници Тетово–Гостивар, Гостивар–Букојчани и Прилеп–Битола, информира Јавното претпријатие за државни патишта.
Од почетокот на 2025 година, за овие проекти досега се исплатени над 71 милион евра.
Според надзорниот извештај, во август се изведувале геотехнички истражувања, проектирање, уривање на објекти и градежни активности за земјени работи и конструкции.
На терен работат околу 1.200 лица и над 750 машини, а во изградбата учествуваат 60% домашни снабдувачи и 90% подизведувачи.
Се работи на шест мостови, четири надвозници и три подвозници, додека третата делница Требеништа – Ќафасан сè уште не е започната поради ревизија на трасата за заштита на Охридското Езеро.
Проектот, вреден 1,3 милијарди евра, започна на 22 април 2023 година.
Б.С.