Сојузот на стопански комори на Македонија објави дека, извршната директорка Сузана Јаневска е суспендирана од функцијата поради фалсификување службена документација и незаконско дејствување… Таа нема никакви овластувања да ја претставува институцијата, стои во официјалното соопштение… Од комората обвинуваат дека Јаневска испратила лажно соопштение до медиумите од приватна е-маил адреса, тврдејќи дека било одржано вонредно собрание на Сојузот, што, според раководството, е правно ништовно и грубо прекршување на статутот… Во активноста биле вклучени и четири други членки, поврзани со Јаневска, кои исто така се исклучени… Претседателот на ССКМ, Трајан Ангелоски, издаде наредба за итна суспензија и поднесе пријава до МВР… ССКМ апелира до медиумите и јавноста да не прифаќаат комуникации испратени од неофицијални канали…
