Сериозно ослабениот ростер на Лос Анџелес лејкерс му даде достоен отпор на Денвер, но на крајот загуби со 131-126. Гостите беа без првите ѕвезди Леброн Џејмс и Лука Дончиќ, а не играа ниту Руи Хачимура, Џексон Хејс, Доријан Фини-Смит и Гејб Винсент.
Никола Јокиќ со 28 поени и Џамал Мареј со 26 ги водеа Нагетс до триумфот, додека кај Лејкерс најдобри беа Остин Ривс со 37 поени и 13 асистенции и Далтон Кнехт со 32 поени.
Џа Морант постигна 44 поени, но тоа не беше доволно за Мемфис да го совлада Кливленд. Кавалирс славеа гостинска победа од 124-133 за клупски рекорд од 16 триумфи во низа. Еван Мобли имаше 22 поени и 11 скока, додека Дариус Гарланд постигна 20 во редовите на Кливленд.
Шампионот Бостон славеше во Мајами со 91-103, гостински победи остварија и Лос Анџелес клиперс кај Атланта со 98-121 и Индијана во Филаделфија со 100-112.
На останатите натпревари:
Хјустон – Далас 133-96
Минесота – Орландо 118-111
Сан Антонио – Шарлот 134-145
Јута – Торонто 118-126
Феникс – Сакраменто 122-106