Џошуа Кимих по многу шпекулации за заминување, сепак го продолжи договорот со Баерн Минхен до јуни 2029 година.
Германецот дојде во Минхен во 2015 година од Штутгарт откако претходните две сезони ги мина на позајмица во Лајпциг. Изминатава речиси цела декада тој е незаменлив дел од почетната постава на Баварците и тоа на две позиции на теренот, како десен бек и како играч за врска.
Кимих досега има одиграно 429 натпревари за Баерн со постигнати 43 голови и 115 асистенции. Со германскиот гигант освои осум титули во Бундеслигата, една во Лигата на шампиони, три германски купови, шест супер купови, Светско клупско првенство и УЕФА Супер куп.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.