Милан го загуби трпението со Рафаел Леао, кој никако да ја преземе улогата на лидер во тимот. Тој сезонава повеќе е на клупата за резервни играчи отколку во првиот тим и кај претходниот тренер Пауло Фонсека и кај актуелниот Серџо Консеисао.
Неговиот агент Жорге Мендеш наводно веќе ги контактирал Барселона и Челси, кои се најсериозни во намерата да го доведат Португалецот во своите редови.
Цената на Леао изнесува 80 милиони евра, а „росонерите“ идното лето се очекува да се ослободат и од Тео Ернандез, но и од голманот Мајк Мењон. Челниците на клубот ќе ги продадат најдобрите играчи со цел да соберат повеќе пари и да почнат реконструкција на играчкиот кадар без досегашните први ѕвезди.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.