Стеф Кари постигна фантастични 56 поени во победата на Голден Стејт на гостувањето кај Орландо со 115-121 во рамки на НБА-лигата. Ѕвездата на Вориорс постигна дури 12 тројки, а за него тоа беше 26-ти натпревар во кариерата со 10 или повеќе постигнати тројки. Паоло Банкеро најмногу се истакна кај Меџик со 41 поен.
Лос Анџелес лејкерс славеше со 111-102 против Минесота за четврта победа по ред. Леброн Џејмс постигна 33 поени со 17 скока, Остин Ривс имаше 23, а Лука Дончиќ 21 поен со 13 скока.
Милвоки го победи Денвер со 121-112. Јанис Адетокумбо реализираше 28 поени со 19 скока, а кај Нагетс најдобар беше Никола Јокиќ со 32 поени, 14 скока и 10 асистенции, што за него е 27-ми трипл-дабл сезонава на 53 одиграни натпревари.
На останатите натпревари, Њу Орлеанс славеше на гостувањето кај Феникс со 116-124, а Далас го совлада Шарлот со 103-96.